२२ आश्विन २०७८, शुक्रबार ०८:२५ बुधवार साप्ताहिक, नयाँबानेश्वर, काठमाण्डौं

जसपाले छान्यो चार मन्त्री, राजेन्द्रको नेतृत्वमा सरकारमा जाने

२२ असोज, काठमाडौं । पटक–पटकको छलफलपछि जनता समाजवादी पार्टी (जसपा) ले शेरबहादुर देउवा नेतृत्वको सरकारमा सहभागी हुने मन्त्रीहरुको नाम टुङ्गो लगाएको छ । जसपाका शीर्ष नेताहरुको आज (शुक्रबार) बिहान बसेको बैठकले सरकारमा सहभागी हुने मन्त्रीहरुको नाम टुङ्गो लगाएको जसपा नेता राजेन्द्र श्रेष्ठले जानकारी दिए ।

निर्णयअनुसार जसपाबाट सरकारको नेतृत्व राजेन्द्र श्रेष्ठले नै गर्नेछन् । यस्तै सो पार्टीबाट रेणु यादव, रामसहाय यादव र प्रमोद साह मन्त्री बन्ने निश्चित भएको हो । सत्ता गठबन्धनमा रहेका नेकपा माओवादी, नेकपा एकीकृत समाजवादीले पनि आज मन्त्रीको अन्तिम टुङ्गो लगाउँदै छन् । आज प्रधानमन्त्री देउवाले झण्डै तीन महिनापछि मन्त्रिमण्डललाई पूर्णता दिने तयारी गरिरहेका छन् ।