२५ फाल्गुन २०७८, बुधबार ०८:२५ बुधवार साप्ताहिक, नयाँबानेश्वर, काठमाण्डौं

संवैधानिक इजलास : १४ मुद्दामा पेसी, सुनुवाइ शुरु

२५ फागुन, काठमाडौं । सर्वोच्च अदालतले संवैधानिक इजलासमा आज १४ मुद्दाको पेशी तोकेको छ । सर्वोच्चमा पाँच महिनापछि बुधबार दोस्रो पटक इजलास बसेको हो ।

१३ असोजपछि गत शुक्रबार पहिलो पटक इजलास बसेको थियो । कायममुकायम प्रधानन्यायाधीश दीपककुमार कार्कीले वरिष्ठताका आधारमा इजलास गठन गरेका छन् । इजलासमा वरिष्ठताका आधारमा न्यायाधीशहरू मीरा खडका, हरिकृष्ण कार्की, विश्वम्भरप्रसाद श्रेष्ठ र ईश्वरप्रसाद खतिवडालाई समावेश गरिएको छ ।

संसदमा महाभियोग प्रस्ताव दर्ता भएपछि बहालवाला प्रधानन्यायाधीश चोलेन्द्रशमेशर जबरा हाल निलम्बनमा छन् । जबरा विवादमा तानिएपछि सर्वोच्च अदलातमा पाँच महिना भन्दा बढी समयसम्म इजलास बस्न सकेको थिएन ।