१० असार २०७९, शुक्रबार १४:२९ बुधवार साप्ताहिक, नयाँबानेश्वर, काठमाण्डौं

प्रचण्डले पार्टी एकताको चरम दुरुपयोग गरे : ओली

१० असार, काठमाडौं । प्रमुख प्रतिपक्षी नेकपा एमालेका अध्यक्ष केपी शर्मा ओलीले माओवादी अध्यक्ष पुष्पकमल दाहाल ‘प्रचण्ड’ ले पार्टी एकताको चरम दुरुपयोग गरेको आरोप लगाएका छन् । पार्टी कार्यालयमा शुक्रबार आयोजित कार्यक्रममा उनले पार्टी विभाजनको दोषी पनि प्रचण्ड नै भएको बताएका छन् ।

ओलीले आफूले कसैलाई पार्टीबाट निकालेको नभई प्रचण्डले एकताप्रति इमान्दारीता देखाउन नसक्दा कम्युनिष्ट पार्टी विभाजन भएको बताए । प्रचण्डले पार्टी एकताको चरम दुरुपयोग गरेर पार्टी अध्यक्षमाथि आरोपको पुलिन्दा बनाएका ओलीले आरोप लगाए । पार्टीबाट आफूलाई निष्कासन गरी पार्टी कब्जा गर्ने र प्रतिक्रियावादीको सेवामा अर्पण गर्ने काम प्रचण्डले गरे पनि पार्टीलाई आफूले जोगाएको उनले बताए ।

त्यस्तै ओलीले सरकारले स्थानीय तह निर्वाचनमा राज्यशक्तिको चरम दुरुपयोग गरेको बताए । त्यतिका बावजुद पनि एमालेको जनमत नघटेको उनले बताए । ओलीले भने, १५ सालयता अहिले जस्तो राज्यशक्तिको दुरुपयोग कहिल्यै भएको थिएन ।