२४ भाद्र २०७९, शुक्रबार ०३:३० बुधवार साप्ताहिक, नयाँबानेश्वर, काठमाण्डौं

सन्दीप लामिछाने सीपीएल छाडेर नेपाल फर्किँदै

२४ भदौ, काठमाडौँ । बलात्कारको आरोप लागेका निलम्बित राष्ट्रिय टिमका कप्तान सन्दीप लामिछानेले क्यारेबियन प्रिमियर लिग (सीपीएल) छोडेर नेपाल फर्किने बताएका छन् । आज बिहान सामाजिक सञ्जालमार्फत उनले सीपीएल छोडेर केही दिनमा नेपाल फर्किने बताएका हुन् ।

आधारहीन आरोपको सामना गर्न आफू तयार रहेको भन्दै उनले अनुसन्धानमा सघाउने प्रतिवद्धता व्यक्त गरे । नेपालको कानुन मान्ने र सबै कुराको सामना गर्ने सन्दीपको भनाइ छ । साथै उनले निष्पक्ष छानबिन हुने कुरामा आफू आशावादी गरेको बताए।

किशोरी बलात्कार अभियोगमा जिल्ला अदालत काठमाडौँले पक्राउ पुर्जी गरपछि क्यानले लामिछानेलाई बिहीबार निलम्बन गरेको थियो ।
प्रहरी वृत्त गौशालामा मंगलबार एक बालिकालाई बलात्कार गरेको भन्दै सन्दीपविरुद्ध उजुरी परेको थियो ।