१२ चैत्र २०७९, आईतवार ११:४५ बुधवार साप्ताहिक, नयाँबानेश्वर, काठमाण्डौं

कांग्रेस उपसभापति खड्काले संसदमा मागे माफी

१२ चैत, काठमाडौं । नेपाली कांग्रेसका सांसद् पूर्णबहादुर खड्काले संसदमा माफी मागेका छन् । नेकपा एमालेका सचेतक महेश बर्तौलाले संसदमा नियमापत्ति जनाएपछि खड्काले माफी मागेका हुन् । बर्तौलाले भने, ‘सभामुखको आसन तथा बोलिरहेको सदस्यको बीचबाट हिँड्न कोही पनि सदस्यलाई अनुमति हुँदैन । सदनको गरिमालाई धज्जी उडाउँदै माननीय सदस्यबाट यसप्रकारको काम भइरहको छ ।

बर्तौलाले प्रतिनिधि सभा नियमावलीको प्रावधान उल्लंघन गरी मर्यादा विपरीत काम भइरहेको बताएका छन् । बैठकमा सांसद बलराम अधिकारी विशेष समयमा आफ्ना धारणा राखिरहेको बेला सांसद खड्का बैठक हलमा प्रवेश गरेका थिए्।

सांसद खड्का अर्का सांसद अधिकारी बोलिरहेका बेला अगाडिबाट आफ्नो सिटमा गएर बसेका थिए । बर्तौलाले भविष्यमा अरू सांसदहरूलाई पनि काम लाग्ने बताएका थिए । लगत्तै सांसद् खड्काले आफूबाट नियम मिचिएको स्वीकार्दै क्षमा मागे ।

खड्काले भने, ‘नदेखाको कारणले माननीयले उल्लेख गर्नु भए अनुसार मैले नियमावलीको त्यो दफालाई उल्लंघन गरें, त्यसका लागि म क्षमा माग्न चाहन्छु । सभामुख देवराज घिमिरेले नियमापत्तिको सांसद्ले उठाएका कुराहरूलाई उचित ढंगबाट ध्यान पु¥याउन आग्रह गरे ।