१६ असार २०८०, शनिबार १३:५३ बुधवार साप्ताहिक, नयाँबानेश्वर, काठमाण्डौं

संसदमा आफ्नो फोटो नराखेको भन्दै उपसभामुख रानाको असन्तुष्टि

१६ असार, काठमाडौँ । उपसभामुख इन्दिरा रानाले संसदमा आफ्नो फोटो नराखेको भन्दै असन्तुष्टि व्यक्त गरेकी छन् । ६५औं संसद् दिवसको अवसरमा आज शनिवार काठमाडौंमा आयोजित कार्यक्रममा उनधद्दले संसदमा सभामुखको मात्रै फोटो राखेकोप्रति असन्तुष्टि जनाएकी हुन् ।

केही समयअघि सिङ्गापुरको संसद्को भ्रमण गर्दा विगतदेखि वर्तमानसम्मका सभामुखको फोटो राखेको देखेको बताउँदै उनले नेपालमा भने त्यस्तो हुन नसकेको बताइन् । उनले संसदमा उपभासमुखप्रति हेपाहा प्रवृत्ति देखाएको आरोप लगाइन् ।

उनले भनिन्, केही समयअघि म सिङ्गापुर गएको थिएँ । डब्ल्युटीओको कन्फ्रेन्समा । त्यहाँ संसद् भ्रमण गर्ने मौका पाएको थिएँ । त्यहाँ पहिलाका सभामुखले कस्तो टोपी लगाउनु हुन्थ्यो, कस्तो लुगा लगाउनु हुन्थ्यो ? अहिलेका सभामुखले कस्तो लगाउनु हुन्छ ? त्यो विकास क्रमअनुसार राखिएको छ, अभिलेखका रुपमा । हामीमा खै त त्यस्तो ? भित्र पस्ने बित्तिकै सभामुखको फोटो राखिएको छ । हाम्रो त छैन । उपसभामुखलाई वायस गरेको जस्तो लाग्छ । यो कुरा मनन गर्नुपर्छ । उपसभामुख रानाले हरेक क्षेत्रमा सुशासन र पारदर्शिता हुन जरुरी रहेको बताएकी छन् ।