१६ असार २०७३, बिहीबार ०५:१३ बुधवार साप्ताहिक, नयाँबानेश्वर, काठमाण्डौं

नेताका आडमा व्यवसायीको दादागिरी

काठमाडौं । नेकपा (एमाले)को एक महत्त्वपूर्ण पदीय जिम्मेवारीमा रहेका नेताको आडभरोसामा एकजना मेनपावर व्यवसायीले दादागिरी मच्चाइरहेका छन् । पहिले विदेशी रेस्टुरेन्टमा बाउन्सरको काम गरेर नेपाल आई सम्पर्क मञ्चको समेत राजनीति गरेका तनहुाका हरि पाण्डे क्षत्रीले डाङडुङ पारेर आफ्नो धन्दा चलाइरहेका छन् ।
फ्युचर स्टार म्यानपावरका सञ्चालक क्षत्री म्यानपावर व्यवसायीका अलावा मान्छे तर्साएर समेत वैदेशिक रोजगारका क्षेत्रमा आतंक मच्चाइरहेको एक व्यवसायीले बताए । उनले स्वदेशमा रोजगारीको अभावका कारण विदेश जान लागेका गरिब कामदारलाई ठग्ने गरेका एक पीडितले बताए ।
पैसा कमाउने अभिलाषामा विदेश जान जग्गाको लालपुर्जा धितोमा राखेर ऋण काढेर ल्याएको पैसामा पाण्डेले मस्ती गरेको बताइएको छ । पाण्डेले पैसाको प्रलोभनमा पारेर एमालेका ती नेतालाई आफ्नो पकडमा राखेका छन् । अघिल्लो साता आफैंले ठगेर आफैंले वैदेशिक रोजगार विभागको प्रांगणमा पीडित गुल्मी सिमीचौरका २८ वर्षीय कृष्ण कुावरलाई मरणासन्न हुने गरी कुटपिट गरेका थिए । प्रगतिशील वैदेशिक रोजगार व्यवसायी मञ्च नेपालका उपाध्यक्षसमेत रहेका पाण्डेको सामाखुसीस्थित टाउन प्लानिङमा म्यानपावर सञ्चालनमा छ । भूपू भारतीय लाहुरेसमेत रहेका पाण्डे तिनै गुन्डाको सहायतामा ठगी कार्य गर्दै आएका छन् । सरकारले तोकेको सिलिङभन्दा बढी शुल्क लिने र कामदारले न्यायिक निकाय वैदेशिक रोजगार विभाग वा प्रहरी कार्यालयमा उजुरी गरेको खण्डमा पीडितलाई कुटपिट गर्ने र उजुरी फिर्ताका लागि दबाब पनि दिने गरेका छन् । कुावरलाई पनि विभागमा पाण्डेले लात्तीले छाती र पेटमा कुटेको प्रत्यक्षदर्शीले बताए ।
कुावरले रोजगारीका लागि साउदी अरब जान ७० हजार रुपैयाा बुझाएका थिए । पाण्डेले कुावरमार्फत सरकारले तोकेको भन्दा ६० हजार रुपैयाा बढी लिएका थिए । सरकारले २०७२ असार २१ गतेदेखि लागू हुने गरी १० हजार रुपैयाा मात्र लिने निर्णय गरेको थियो । पाण्डेबाट ठगिएका कुावरको राहदानीसमेत पाण्डेले फिर्ता दिन नमानेको बताइएको छ । त्यही भएर कुावरले बढी पैसा तिरेर पनि राहदानी फिर्ता नपाएपछि उजुरी गर्न वैदेशिक रोजगार विभागमा पुगेका थिए । कुावरको उजुरी परेपछि विभागकी निर्देशक रमा भट्टराईले दुवै पक्षलाई बोलाइन् । त्यसपछि पाण्डे फेरि पेलेरै जाने तयारीमा लाग्दा कुावरले मानेनन् । उनले राहदानीसहित पैसा फिर्ता पाउने अडान राखेपछि पाण्डेले कुावरमाथि हातपात गरेका थिए । कुावरलाई उपचारका लागि मीनभवनस्थित सिभिल अस्पतालमा लगियो । सामाखुसी क्षेत्रका प्रहरीलाई आफ्नो पकडमा राख्न सफल उनले बानेश्वर प्रहरी वृत्तलाई आफ्नो पकडमा लिने र प्रहरीको हिरासतमा नजाने प्रयास गरेका थिए । तर, उनलाई स्थानीय र प्रत्यक्षदर्शीको दबाबका कारण प्रहरीको नियन्त्रणमा पुर्‍याइयो ।
पछि एमालेका ती नेताले प्रहरीलाई दबाब दिएर पाण्डेलाई प्रहरीबाट छुटाइएको स्रोतको दाबी छ ।