१४ आश्विन २०७३, शुक्रबार ०६:०४ बुधवार साप्ताहिक, नयाँबानेश्वर, काठमाण्डौं

‘यौनदुराचारी’ लिएर मन्त्री कर्णालीमा

काठमाडौं । सूचना तथा सञ्चारमन्त्री राम कार्की कर्णाली अञ्चलको भ्रमणमा रहेका बेला फेसबुकबाट उनको तस्बिर सार्वजनिक भयो । तर, कार्कीसँग कुम जोडेर तस्बिर सुट गर्ने व्यक्तिका कारण मन्त्री कार्कीको समेत बदनाम भएको छ ।

मन्त्री कार्कीसँग टाँसिएर फोटो हाल्ने व्यक्ति अरू कोही नभएर पछिल्लो समय माओवादी बनेका मकवानपुर घर भएका कलाकार चेतन सापकोटा थिए । तर, मंगलबार १० बजेतिर फेसबुकमा राखिएको उक्त पोस्ट १२ बजे चेक गर्दा डिलिट गरेको पाइयो । पछिल्लो समय साथीकै छोरीमाथि ‘यौन दुराचार’ गरेको आरोप लागेका सापकोटाविरुद्ध पार्टी कार्यालय पेरिसडाँडामा उजुरी परेको छ । आहूति र बलराम तिमल्सिना रहेको दुई सदस्यीय छानबिन कमिटीले सापकोटामाथि लागेको उक्त अभियोगबारे छानबिन गरिरहेको जनाइएको छ । यस्तो बेला यौन दुराचारको आरोप लागेका व्यक्तिसँगको तस्बिरले सायद विवाद निम्त्याउला भनेर

नै तुरुन्त उक्त फोटो पोस्टबाट हटाइएको बताइन्छ । त्यसो त मन्त्री कार्की पनि यो मामिलामा निकै कमजोर रहेको सुनिँदै आएको छ । उनका विरुद्ध भूमिगत कालमा पनि थुप्रै उजुरी पार्टी हेडक्वार्टरमा परेको थियो ।