२१ असार २०७१, शनिबार ०६:३५ बुधवार साप्ताहिक, नयाँबानेश्वर, काठमाण्डौं

महाधिवेशन स्थलमैपर्शुरामको गुण्डागर्दी

असार २१, काठमाडौं । पार्टीभित्र गुण्डा प्रवृतिलाई संरक्षण गर्दा पार्टीको स्तर कुन हदसम्म गिर्दे रहेछ भन्ने उदाहरण नेकपा एमालेको नवौं महाधिवेशनको खुला सत्रमा मा त दुनियाँले देखे नै हिजो बन्द सत्रमा देशभरवाट आएका प्रतिनिधिले पनि देख्नु पर्यो ।

अपराध कर्ममा विगत देखि नै संलग्न रहदै आए पनि आफूलाई केपी ओली समूहको विशेष संरक्षण रहेको बताउदै हिड्ने पर्शुराम बस्नेतको गुण्डागर्दीको कारण हिजो केहीबेर बन्द सत्र नै स्थगित भयो । मदन भण्डारी अध्ययन केन्द्रले निकालेको माधव नेपाल विचार समूहका नेताहरुको विचार समेटिएको पुस्तक बस्नेत नेतृत्वको अराजक जत्थाले च्यातेपछि स्थिति केहीबेर तनावपुर्ण बनेको थियो । जवकि त्यहाँ बामदेव गौतमको कृति, युवासंघको बुलेटिन पनि विमोचन गरेर बाँडिएको थियो । ती सामाग्री बाँडिएपछि मात्र केन्द्रले अध्यक्ष मण्डलसँग अनुमति लिएर माधव समूहका नेताको विचार समाविष्ट पुस्तक वितरण गरेको थियो ।
सो घटना पछि आइन्दा यस्ता घटना नदोहोरिउन भनेर १६ बुँदे आचार संहिता बनाईएको थियो । घटनामा संलग्नलाइ कार्वाही गर्न कुनै तत्तपरता देखाउनुको सट्टा अध्यक्ष मण्डल कि विद्या भण्डारीले घटना दुखद भएको भन्दै माफी मागेकि थिइन ।
मोरंग घर भएका यी उनै बस्नेत हुन् जो गुण्डागर्दीमा कुख्यात मानिन्छन् । हैसियत भन्दा बढी सम्पति कमाएको भन्दै केही महिना अघि उनी पक्राउ परेपनि युवा संघका अध्यक्ष महेश बस्नेत ले धरौटी रकम जोरजाम गरेर छुटाएका थिए ।