२७ असार २०७१, शुक्रबार ०७:२२ बुधवार साप्ताहिक, नयाँबानेश्वर, काठमाण्डौं

यसरी उठाउँदैछन् बामदेवले पैसा

२७ असार, काठमाडौं । नेकपा एमालेको जारी नवौं महाधिवेशनमा प्रतिनिधि खरिदका लागि सत्ताको व्यापक दुरुपयोग भएको छ । केपी ओली समूवाट उपाध्यक्षका उम्मेद्वार बनेका गृहमन्त्री बामदेब गौतमले पैसा संकलनका लागि कार्यवाहक प्रधानमन्त्री भएकोे मौकाछोपी सक्दो मनपरी गर्दै आएका छन् ।
आज मात्रै गौतमले करोडौं रुपैया लिएर एसएसपी विजयलाल कायस्थलाई निमित्त प्रमुुख बनाएर एयरपोर्ट सरुवा गरेका छन् । नियमत एयरपोर्टपस्तो संवेदनशील ठाऊँमा निमित्ति बनाएर पठाउन मिल्दैन । गौतमले महाधिवेशनका लागि खर्च भएको रकम उठाउनकै लागि महानगरीय प्रहरी अपराध महाशाखामा रहेका कायस्थलाई त्यहाँ सरुवा गरेको स्रोतको दावी छ । उनी सुडान घोटला प्रकरणमा समेत मुछिएका थिए । एयरपोर्टमा कार्यरत् डिआईजी यादव अधिकारी सहितको टोलीलाई प्रहरी प्रधान कार्यलय नक्सालमा तानिएको छ । जगेडामा राखिएका पीआरधारी भरत सुवेदीलाई गत हप्ता मात्र गौतमले अर्थमन्त्रालय मा ल्याउने विादास्पद निर्णय गरेका थिए । त्यसमा पनि उनले मोटो रकमको चलखेल गरेका थिए ।