२३ बैशाख २०७३, बिहीबार ०९:५५ बुधवार साप्ताहिक, नयाँबानेश्वर, काठमाण्डौं

काठमाडौं नछाड्न एमाले सांसदलाई निर्देशन

काठमाडौं । एमालेले आफ्ना सांसदहरूलाई सरकारको नीति तथा कार्यक्रम तथा बजेट आउनुअघि काठमाडौं नछाड्न निर्देशन दिएको छ । हिजो बसेको संसदीय दलको बैठकलाई सम्बोधन गर्दै दलको नेतासमेत रहेका प्रधानमन्त्री तथा पार्टी अध्यक्ष केपी ओलीले उक्त निर्देशन दिएका हुन् ।
बैठकमा ओलीले सरकार परिवर्तन गर्न विपक्षीहरूले चलखेल सरु गरेको बताएका थिए । संसद्मा विपक्षीहरू आक्रामक ढंगले आउन लागेको कुरा उल्लेख गर्दै ओलीले विपक्षीले संसद्मा उठाउने हरेक विषयको प्रभावकारी रूपमा जवाफ दिने गरि तयारी गर्नुपर्ने बताएका थिए । ‘सरकार परिवर्तन गर्न अहिले दौडधुप चलिरहेको छ, कसरतहरू भइरहेका छन्,’ ओलीले भने, ‘तर, हाम्रो ध्यान बजेटमा छ । सरकार छाड्नुपरे पनि केही छैन, तर ल्याउन पायौं भने हामी राम्रो नीति तथा कार्यक्रम ल्याउ“छौं, राम्रो बजेट ल्याउ“छौं । अहिले तयारी पनि त्यसैमा गरिरहेका छौं ।’
‘बजेट अवधिभर कोही सभासद् पनि विदेश नजानुस्, विशेष परिस्थितिबाहेक जिल्ला पनि कोही नजानुस्, ओलीले भने, ‘विपक्षीहरू आक्रामक ढंगले आएका छन्, बजेट ल्याउन दिन पनि सक्छन्, नदिन पनि सक्छन् ।’