२५ आश्विन २०७४, बुधबार ०९:३२ बुधवार साप्ताहिक, नयाँबानेश्वर, काठमाण्डौं

सल्लाहकार सम्पादक दैलेखबाट सिफारिस

काठमाडौं । ‘बुधबार’ साप्ताहिकका सल्लाहकार सम्पादक विष्णु रिजाल आगामी मंसिर २१ गते हुने प्रदेशसभा निर्वाचनमा दैलेखबाट प्रदेशसभा सदस्यको उम्मेदवार सिफारिस भएका छन् । नेकपा (एमाले) केन्द्रीय पार्टी प्रचार विभागका सचिवसमेत रहेका रिजाल दैलेखको २ नम्बर निर्वाचन क्षेत्रको प्रदेशसभाको १ नम्बर क्षेत्र (दुल्लु–भैरवी) बाट सिफारिस भएका हुन् ।
लामो समय पत्रकारितामा क्रियाशील उनी प्रेस चौतारी नेपालका पूर्वमहासचिव, ‘बुधबार’ साप्ताहिकका पूर्वसम्पादक, पहिलो न्युज डटकमका पूर्वसम्पादक तथा नेकपा (एमाले) का वरिष्ठ नेता माधवकुमार नेपाल प्रधानमन्त्री हँुदा प्रेस सल्लाहकार थिए । बौद्धिक छविका रिजाल कूटनीतिक क्षेत्रमा गहिरो ज्ञान राख्छन् ।