९ फाल्गुन २०७४, बुधबार ०६:४३ बुधवार साप्ताहिक, नयाँबानेश्वर, काठमाण्डौं

आङछिरिङले कसलाई मन्त्री बनाउँछन् ?

काठमाडौं । नेकपा एमाले सरकारमा जाँदा हरेकपटक आफूले एकजनालाई मन्त्री बनाउँदै आएको दाबी गर्ने पर्यटन व्यवसायी आङछिरिङ शेर्पाले यसपटक कसलाई मन्त्री बनाउने हुन् भन्ने चर्चा अहिले पनि चुलिएको छ । खासगरी एमाले र त्यसमा पनि पर्यटन व्यवसायीहरूको वृत्तमा आङछिरिङले कसलाई मन्त्री बनाउलान् भन्ने कुरालाई विशेष चासोका साथ हेरिएको छ ।
पर्यटन व्यवसायी वृत्तमा शेर्पाले एक मन्त्री आफ्नो कोटामा परेको भन्दै हिँडेपछि कतिपय नेता बालकोट छाडेर उनैलाई भेट्न लर्को लागेर पुग्ने गरेको बताइन्छ । परीक्षण उडान नै नभई आफ्नै एयरलाइन्सबाट अघिल्लोपटक तत्कालीन प्रधानमन्त्री केपी ओलीको टिमलाई चीन भ्रमण गराएका शेर्पाले योपटक कसलाई मन्त्री बनाउने भन्ने कुरा सार्वजानिक नगरे पनि एकमन्त्री आफ्नो भागमा परेको भने निकटस्थहरूमाझ बताइसकेका छन् ।
यसअघि पनि उनकै कोटामा भोजपुरका कृपासुर शेर्पा र दोलखाका आनन्दप्रसाद पोखरेलले मन्त्री बन्ने सौभाग्य पाएको स्वयं उनैले बताउने गरेका छन् ।