२३ फाल्गुन २०७४, बुधबार ०३:०३ बुधवार साप्ताहिक, नयाँबानेश्वर, काठमाण्डौं

सभामुखमा महरा !

काठमाडौं । प्रतिनिधिसभा समामुखमा वाम गठबन्धनका नेता कृष्णबहादुर महरा बन्ने करिब निश्चित भएको बताइन्छ । वाम गठवन्धनका दुई दल नेकपा (एमाले) र नेकपा (माओवादी केन्द्र) बीच सभामुख माओवादीलाई दिने सहमति भएअनुसार माओवादीले महराको नाममा छलफल अघि बढाएको बुझिएको छ ।
पूर्वसभामुख ओनसरी घर्तीलाई नै दोहो¥याउने भन्ने विषय पनि माओवादीभित्र छलफलमा आए पनि घर्तीका पति वर्षमान पुनले नै त्यसलाई अस्वीकार गरेको बुझिएको छ । यसपटक पुन आफंै कुनै शक्तिशाली मन्त्रालय लिने र पत्नीलाई सभामुख नबनाउने लबिइङमा रहेको बताइन्छ । माओवादीभित्र प्रभावशाली मानिने महरा दाङबाट प्रतिनिधिसभामा विजयी भएका हुन् । उनलाई छाड्नकै लागि एमालेले शंकर पोखरेललाई प्रदेश पठाएर मुख्यमन्त्री बनाएको हो ।
बरु महराको विकल्पका रूपमा देव गुरुङको नाम अगाडि सारिएको छ । महराले पनि बन्न अस्वीकार गरेर गुरुङ वा अमिक शेरचनलाई सभामुख बनाउने कि भन्नेबारे माओवादी केन्द्रका शीर्ष नेताहरका बीचमा अनौपचारिक छलफल भएको स्रोतले बतायो ।