२३ माघ २०७५, बुधबार ०९:५० बुधवार साप्ताहिक, नयाँबानेश्वर, काठमाण्डौं

नेपाललाई छलेर नेकपामा बेग्लै योजना

काठमाडौं । पार्टी एकीकरणपछि नेपाल कम्युनिस्ट पार्टी (नेकपा) मा कतिपय महŒवपूर्ण निर्णयहरू ‘साइत’ कुरेर हुँदै आएका छन् । अध्यक्षद्वय केपी ओली र पुष्पकमल दाहाल ‘प्रचण्ड’ले त्यस्ता निर्णयहरू किन साइत कुरेर गराउँछन् ? नेकपाको सचिवालयदेखि स्थायी समिति बैठकमा उठ्दै आएको प्रश्न हो यो ।
दुई अध्यक्षले पार्टी प्रमुखसमेत भइसकेका वरिष्ठ नेता झलनाथ खनाल चीन भ्रमणमा रहेको मौका पारेर गत ३ जेठमा पार्टी एकीकरण घोषणा कार्यक्रम गर्ने निर्णय लिए । सोधेरै आफू स्वास्थ्य उपचारको सिलसिलामा भ्रमणमा गए पनि आफू नभएको मौकामा कुनै जानकारी नदिई एकीकरण गरिएकोमा पार्टी प्रमुखको जिम्मेवारी सम्हालिसकेका वरिष्ठ नेता खनालले नराम्रैसँग चित्त दुखाएका थिए ।
त्यसो त लामो समय पार्टी प्रमुख रहिसकेका अर्का वरिष्ठ नेता माधवकुमार नेपाल दक्षिण अफ्रिकी राष्ट्र घाना भ्रमणमै रहेका बेला प्रदेश कमिटी एकीकरणसँग जोडिएको महŒवपूर्ण निर्णय भएपछि फेरि प्रश्न नउठ्ने वातावरण बनेन । किनकि, आफ्नो भ्रमणबारे उनले दुवै अध्यक्षलाई जानकारी मात्र दिएका थिएनन्, फर्किएपछि बैठक बसेर एकीकरणसँग जोडिएका निर्णय गर्ने समझदारीसहित घाना प्रस्थान गरेका थिए । तर, उक्त समझदारी उल्लंघन गर्दै एक व्यक्ति ः एक कार्यकारी पदको सिद्धान्तअनुसार राजकीय मामिलामा रहेकाहरूलाई पार्टीको कार्यकारी जिम्मेवारी नदिने मापदण्डविपरीत मुख्यमन्त्रीहरूलाई नै प्रदेश इन्चार्ज तोक्ने निर्णय भएको थियो । त्यसबारे नेपालले सचिवालय बैठकमा प्रश्न उठाएपछि अध्यक्ष ओलीले कुरा पन्छाएर अरूले नै जोड गरेपछि निर्णय गर्न बाध्य भएको प्रस्टीकरण दिएका थिए ।
वरिष्ठ नेता नेपाल नेतृत्वलाई जानकारी गराएरै लाओस भ्रमणमा रहेका बेला गत सोमबार फेरि केन्द्रीय सचिवालयको अर्को बैठक बसेको छ । स्रोतका अनुसार भ्रमणअघि उनले दुवै अध्यक्षलाई जानकारी गराएर टोलीमा समावेश हुने नेताहरूको नामलाई पनि अन्तिम रूप दिएका थिए । त्यति मात्र होइन, एकीकरण कार्यदलका विषयमा फर्किएपछि बैठकमा छलफल गर्नेसमेत समझदारी भएको थियो । तर, त्यो समझदारीविपरीत बैठक डाकेर सचिवालयबाट एकीकरण कार्यदलको अधिकार खोस्ने निर्णय भएको छ । कार्यदललाई निष्क्रिय बनाउन खोजिएपछि नेपालले प्रदेश कमिटी सदस्यहरूको नामावली पुनरावलोकनमा कुरा नमिलेको भए बाँकी विषयमा छलफल गरेर प्रतिवेदन बुझाउँदा उपयुक्त हुने सुझाव राखेका थिए । तर, कार्यदलमा मापदण्डको विषयले प्रवेश पाउने भएपछि अध्यक्षद्वयकै योजनामा निष्क्रिय बनाइएको आरोप लागेको छ । नेपाल मंगलबारै स्वदेश फर्किए पनि यस विषयमा मुख भने खोलिसकेका छैनन् ।

One response to “नेपाललाई छलेर नेकपामा बेग्लै योजना”

1. राम प्रसाद भट्टराइ says:

   February 7, 2019 at 4:44 am

   आफ्नु घर राम्ररी सबैलाइ मिलाएर चलाउन सकिएन भने देश चलाउन गार्हो हुन्छ ।

   Reply