२५ पुष २०७६, शुक्रबार १५:१५ बुधवार साप्ताहिक, नयाँबानेश्वर, काठमाण्डौं

मृगौलापिडितलाई तीन लाख सहयोग

पुस २५, काठमाडौं । सुनकोशी गाऊँपालिका– २,ओखलढुंगास्थित राइजिङ नमूना युवा क्लवले मृर्गौला पिडित जंगबहादुर विकलाई तीन लाख एक हजार रुपैयाँको चेक प्रदान गरेको छ । दुवै मृगौलाले काम गर्न छाडेपछि विगत ६ महिनादेखि शिक्षण अस्पताल महाराजगञ्जमा उपचाररत् ४३ वर्षीय विकलाई आज एक कार्यक्रमकावीच नेपाल प्रहरीका एसपी बसन्त रजौरे र क्लबका अध्यक्ष सुदर्शन सापकोटाले संयुक्तरुपमा उक्त चेक हस्तान्तरण गरेका हुन् ।
ओखलढुंगास्थित सुनकोशी गाऊँपालिकाका निम्न परिवारका विकलाई उपचारमा सहयोग जुटाउन उक्त क्लवले गत अशोजमा उनकै गाऊँमा बृहत साँस्कृतिक कार्यक्रम गरेको थियो । त्यहि कार्यक्रमबाट संकलन भएको रकम आज हस्तान्तरण गरिएको हो । चिकित्सकले उनको दिर्घकालीन उपचारका लागि मृगौला नै प्रत्यारोपण गर्नुपर्ने बताए पनि निम्न आर्थिक अवस्थाका कारण उपचारमा कठिनाई भइरहेको पिडित विकले बताएका थिए । अहिले डाइलसिसका क्रममा औषधी उपचारमा मात्र मासिक २५ हजार खर्च भइरहेको उनले बताए । हस्तान्तरण कार्यक्रममा बोल्दै स्थानीय अगुवा एवं समाजसेवी सुनिल खड्का कटुवालीले उपचारका लागि गरिएको यो सहयोग अन्तिम नभएर आगामी दिनमा आवश्यक सहयोगका लागि लागिरहने प्रतिवद्धता जनाए । कटुवालीले भने, ‘प्रत्यारोपणका लागि गर्नुपर्ने आर्थिक सहायताका लागि आगामी दिनमा पनि हामीवाट हुने सहयोग रहिरहनेछ ।’