२८ श्रावण २०७८, बिहीबार ०७:३६ बुधवार साप्ताहिक, नयाँबानेश्वर, काठमाण्डौं

समृद्धितर्फ फड्को मार्दै लद्धाख

२८ साउन, एजेन्सी । भारत केन्द्र शासित क्षेत्र लद्धाख बिस्तारै बिकास र समृिद्धतर्फ लम्केको छ ।
२ वर्षअघि अगष्ट ५, २०१९ मा आर्टिकल ३७० अन्र्तगत जम्मू र काश्मिरबाट अलग गराइएपछि लद्धाखलाई हराभरा र यहाँका जनतालाई समृद्ध बनाउने उद्धेश्यले भारत सरकारले विगत दुई वर्षदेखि बिकासका थुप्रै परियोजनाहरु यहाँ केन्द्रित गरेको छ ।

बर्षौदेखि बिकासमा पछाडी परेको यहाँको उच्च हिमाली क्षेत्र र समथर क्षेत्रलाई जोड्ने सुरुङ र सडक मार्गहरु बनाइएका छन् । पुर्ननिर्माण परियोजना अन्र्तगत विभिन्न ठाऊमा सडक , सुरुङ मार्ग बनेका छन् भने दुर्गम सिमा क्षेत्रका बासिन्दाहरु सौर्य उर्जाबाट उत्पादित फाईबर अप्टिकलका माध्यमबाट टेलिफोन र ईन्टरनेटको पहुँचसँग जोडिएका छन् ।

भारत सरकारले अन्य थुप्रै बिकासका परियोजनाहरुलाई तीव्रता दिएको छ । अलुस्टेङ–ड्रास–कारगिल ट्रान्सिमिसन प्रणाली परियोजना गत वर्ष मात्र सम्पन्न भएको छ । २०१९ फ्रेबुअरीमा भारतीय प्रधानमन्त्री नरेन्द्र मोदीले यहाँ एउटा हाईड्रोईलेक्ट्रिक परियोजनाको समुद्घाटन गरेका थिए ।

२२० केभी ट्रान्सिमसन क्षमताको यो परयोजना सम्पन्न भएपछि यहाँका सबै बासिन्दाको घरघरमा पर्याप्त विजुली पुग्ने बताईएको छ । सो परियोजनाका लागि आर्थिक वर्ष २०२०–२०२१ मा अनुमानित ६० अर्ब रकम छुट्याईएको छ । लद्धाख सिमा क्षेत्रमा यस बाहेक करिव २४ अर्ब रकमका नौ वटा परियोजना संचालनमा छन् ।

यसबाहेक, संगोमा हालैमात्र ८२ मीटर लम्बाईको सडक पुल संचालनमा आएको छ । भारतीय उर्जा मन्त्रालयले ३२०० मेगावाटको मेगा सोलार परियोजना अगाडी सारेको छ । प्रधानमन्त्री मोदीले लद्धाखको ेराजधानी लेहमा बौद्ध अध्ययन सम्बन्धी केन्द्रिय विश्वविद्यालय परियोजनाको पनि उद्घाटन गरेका छन् । यो विश्वविद्यालय स्थापना पछि १० हजार लद्धाखवासी विद्याथी लाभान्वित हुने बताइएको छ । भारतको संघीय सरकारले लेहमा मेडिकल कलेज स्थापनाका लगि २०१९ सेप्टेम्बर २३ मै अनुमति प्रदान गरिसकेको छ ।

लद्धाखलाई कार्बनमुक्त क्षेत्र बनाउनका लागि आगामी वर्षबाट लद्धाख ग्रीन हाउस योजना अगाडी बढाईने भएको छ ।
बिकासको एउटा महत्वपूर्ण अगं सांस्कृति पर्यटन ‘कल्चरण्ल टुरिज्म’ हो भन्ने मान्यतासहित हामस्टेको अवधारणा अघि सारिएको छ भने इको टुरिज्मलाई बढावा दिइएको छ ।

२०१९ मा २ लाख ७९ हजार ९३७ पर्यटकले लद्धाख भ्रमण गरेका थिए । २०२० को जुनसम्ममा ६ जार ७९ जना पर्यटक लद्धाख गएको र त्यसमध्ये ५ हजार १९ जना आन्तरिक र बाँकी वाह्य पर्यटक रहेका थिए ।