२४ भाद्र २०७८, बिहीबार १२:४० बुधवार साप्ताहिक, नयाँबानेश्वर, काठमाण्डौं

भूकम्पबाट क्षतिग्रस्त सम्पदाहरुकोे निर्माण भारतले गरिदिने

२४ भदौ, काठमाडौं । भारतले नेपालमा २०७२ सालको महाभूकम्पबाट भत्किएका १४ वटा सांस्कृतिक सम्पदा र १०३ वटा स्वास्थ्यसम्वन्धी योजनाहरुको निर्माण गरिदिने भएको छ । भारतीय दुतावास र नेपालको राष्ट्रिय पुर्ननिर्माण प्राधिकरणबीच यस सम्बन्धी सम्झौता भएको छ ।
भारतीय दूतावासद्धारा जारी विज्ञप्तीका अनुसार, भुकम्पबाट क्षति भएका ललितपुर, नुवाकोट, रसुवा र धादिङका १४ सांस्कृतिक सम्पदा तथा ललितपुर, रसुवा, नुवाकोट, सिन्धुपाल्चोक, रामेछाप, दोलखा, गुल्मी, गोरखा र काभ्रे जिल्लामा क्षति भएका स्वास्थ्य सम्वन्धी योजनाहरुको भारतले निर्माण गर्न लागेको हो ।

ती परियोजनाहरुको निर्माणमा ४ सय २० करोड लाग्ने बताइएको छ ।