टी-२० विश्वकप उपाधिका लागि पाकिस्तान र इंग्ल्याण्ड आज भिड्दै
२७ कात्तिक, काठमाडौं । अष्ट्रेलियामा जारी आईसीसी टी-२० विश्वकप क्रिकेटको उपाधिका लागि पाकिस्तान र इंग्ल्याण्ड आज भिड्दैछन् ।
फाइनल खेल मेलवर्न क्रिकेट ग्राउण्डमा नेपाली समय अनुसार पौने २ बजे सुरु हुनेछ ।
पाकिस्तानले सेमिफाइनलमा न्युजिल्याण्डलाई ७ विकेटले र इंग्ल्याण्डले भारतलाई १० विकेटले हराएर फाइनलमा स्थान बनाएको थियो।
दुवै पूर्व विजेता हुन् भने तेस्रो पटक टी-२० विश्वकप फाइनल खेल्दैछन् । यसअघि पाकिस्तान र इंग्ल्याण्डले एक-एक पटक उपाधि जित्दा एक-एक पटक फाइनलमा पराजित भएका छन् ।
यस पटक जो च्याम्पियन बनेपछि दुई पटक टी-२० विश्वकप जित्ने वेष्ट इन्डिजको कीर्तिमान बराबरी गर्नेछ ।
अहिलेसम्म ७ पटक टी-२० विश्वकप हुँदा वेष्ट इन्डिजले २ पटक जितेको छ भने पाकिस्तान र इंग्ल्याण्डसँगै भारत, श्रीलंका र अष्ट्रेलियाले समान १ पटक उपाधि जितेका छन् ।
फाइनलअघि पाकिस्तान र इंग्ल्याण्डका मुख्य खेलाडी लयमा फर्कुन दुवै टोलीका लागि सुखद छ । पाकिस्तान र इंग्लयाण्डका दुवै ओपनरले सेमिफाइनलमा अर्धशतक प्रहार गरे ।
पाकिस्तानको अलराउण्डर शदाब खानको प्रदर्शन मद्तवपूर्ण हुनेछ भने फकर जमन घाइते भएपछि टिममा समावेश युवा ब्याटर मोहम्मद ह्यारिसले पछिल्ला तीन खेलमा आक्रमक ब्याटिङ गर्दै आएका छन् ।
शाहिन शाह अफ्रिदीको नेतृत्वमा रहेको हरिस राउफ, नसिम शाह र मोहम्मद वासिमको पेस बलिङ अट्याक विपक्षीका लागि घातक बन्न सक्छ ।
उता इंग्ल्याण्डका लागि टप अर्डरका बलटर र हेल्ससहित अलराउण्ड स्टोक्स लयमा छन् । साम करन, क्रिस वोक्स र मार्क उड पेस बलिङमा छन् भने स्पीनमा आदिल रसिदलाई मोइन अली र लिया लिभङस्टोनले सघाउने छन् ।
सेमिफाइनलमा पहिलो खेल खेलेका ब्याटर फिल साल्टले ब्याटिङ गर्न पाएका छैनन् । फाइनलमा डेविड मालान र फिल साल्ट मध्ये एक खेल्नेछन् ।
इंग्ल्याण्डको ब्याटिङ गहिराई छ भने पाकिस्तानको बलिङ अट्याक उत्कृष्ट छ। त्यसैले फाइनल खेललाई इंग्ल्याण्डको ब्याटिङ भर्सेस पाकिस्तानको बलिङ भन्न मिल्नेछ ।
फाइनल हुने स्थान मेलवर्नमा वर्षाको सम्भावना भएकोले फाइनल खेललाई पनि असर गर्ने सम्भावना छ।
फाइनल खेलको लागि सोमबार रिजर्भ डे पनि राखिएको छ । फाइनल खेल सम्भव भएसम्म आइतबार नै सम्पन्न गर्ने प्रयास हुनेछ । यदी खेल सोमबारका लागि सरेमा आइतबार जित खेल खेलिएको छ त्यहीबाट सोमबार खेल सुरु हुने आईसीसीले जनाएको छ ।
यस्तै फाइनल खेल डिएल मेथडमा पूरा हुन पनि कम्तीमा दुवै टोलीले १०-१० ओभर खेल्नुपर्ने प्रतियोगिताको नियममा राखिएको छ।
विकेटकिपर मोहम्द रिजावनको ओपनिङ जोडीले शतकिय साझेदारी गर्दै न्युजिल्याण्डलाई ७ विकेटले हराउन मद्त गरे ।
सम्बन्धित समाचार
- सत्ता गठबन्धन फेरिएकै दिन नेप्से परिसूचक ११७.७० अंकले बृद्धि
- आज तीन मन्त्रीले शपथ लिँदै
- हङकङमा टी-२० सिरिज खेल्ने १४ सदस्यीय टिम घोषणा
- भ्रष्टाचारमा मुछिएका माओवादी नेता पुरीले दिए पदबाट राजीनामा
- फर्जी हाजिरी गरेर १ लाख तलबभत्ता लिने चार शिक्षकविरुद्ध भ्रष्टाचार मुद्दा
- स्कारपियोले मोटरसाइकललाई ठक्कर दिँदा २ युवकको मृत्यु
- कृष्ण कँडेलविरुद्ध करणी उद्योगमा मुद्दा दर्ता
- एमालेले पुस ८ गते पत्रकार सम्मेलन गर्ने
- भारतमा ९२ सांसद निलम्बित
- चीनमा शक्तिशाली भूकम्प, एक सयभन्दा बढीको मृत्यु
- चिसो बढ्यो, सतर्कता अपनाउन आग्रह
- सन्दीप लामिछानेविरुद्ध मुद्दाको पेसी आज
Leave a Reply