१७ पुष २०७९, आईतवार ०३:०० बुधवार साप्ताहिक, नयाँबानेश्वर, काठमाण्डौं

सरकारमा सहभागिताबारे एकीकृत समाजवादीले आज निणर्य गर्ने

१७ पुष , काठमाडौं । नेकपा एकीकृत समाजवादीले आज सरकारमा जाने वा नजानेबारे निणर्य गर्ने भएको छ । पार्टीको हिजो (शनिबार) को स्थायी कमिटी बैठकमा नेताहरूले बोल्ने क्रम शुरु भएको र सरकारबारे आज (आइतबार) निणर्य हुने बताइएको छ ।

एकीकृत समाजवादीमा सरकारमा जानेबारे पार्टीमा दुई थरी मत छन ।

एकीकृत समाजवादीका सांसद तथा नेताहरुले नयाँ सत्ता गठबन्धनमा सामेल हुनुपर्ने भन्दै अध्यक्ष माधवकुमार नेपाल र सम्मानीत नेता झलनाथ खनाललाई दबाब दिइरहेका छन । सांसदहरु सरकारमा गएर पार्टीलाई बलियो बनाउनु पर्ने मत राख्दै आएका छन । तर, चुनाव हारेका र सांसद नरहेका नेताहरु भने सरकारमा नगई पार्टी निर्माणमा लाग्नुपर्ने मत राख्दै आएका छन ।

स्थायी कमिटी बैठकमा अध्यक्ष माधव नेपालले समयमा विचार नगर्दा राष्ट्रिय राजनीतिमा अप्रत्यासित घटना भएको भन्दै पार्टीले ठोस निणर्य गर्नुपर्ने बताएका थिए । एमाले अध्यक्षा केपी शर्मा ओलीसहितको समर्थनमा माओवादी केन्द्रका अध्यक्ष पुष्पकमल दाहाल ॅप्रचण्ड’ प्रधानमन्त्री बनेपछि सरकारलाई दिने समर्थन र सहभागिताको विषयलाई टुंगो लगाउन बैठक बोलाइएको हो ।

एकीकृत समाजवादी पार्टी गत मंसिर ४ गते भएको निर्वाचनमा राष्ट्रिय पार्टी बन्न सकेको छैन । कतिपयले एकीकृत समाजवादीका नेतृत्वले पार्टी विघटनको औचित्य पुष्टि गर्न नसकेकाले यस्तो अवस्था आएको बताएका छन । एमाले नेतृत्वमा नयाँ सत्ता गठबन्धनमा माओवादी केन्द्र, रास्वपा, राप्रपा, जसपा, नागरिक उन्मु ित, जनमत पार्टी रहेका छन ।