१८ फाल्गुन २०७९, बिहीबार ०९:४२ बुधवार साप्ताहिक, नयाँबानेश्वर, काठमाण्डौं

राप्रपाले फिर्ता लियो कर्णाली प्रदेश सरकारलाई दिएको समर्थन

१८ फागुन, सुर्खेत । राष्ट्रिय प्रजातन्त्र पार्टी (राप्रपा) ले राजकुमार शाह नेतृत्वको कर्णाली प्रदेश सरकारलाई दिएको समर्थन फिर्ता लिएको छ । पार्टीले समर्थन फिर्ता लिने निर्णय यसअघि नै गरिसकेको थियो । पार्टीले बिहीबार प्रदेश प्रमुख समक्ष समर्थन फिर्ता लिएको पत्र बुझाएको हो ।

प्रदेश सभा सदस्य सन्तोषी शाहीले सत्ताको नेतृत्वकर्ता दलका साथै अन्य दलहरू आपसी सत्ता स्वार्थमै रुमल्लिँदा सत्तामा बसिरहन उपयुक्त नदेखिएको बताएकी छिन् । पार्टीको केन्द्रीय निर्देशन अनुरूप प्रदेश सरकारलाई दिएको समर्थन फिर्ता लिएको उनको पत्रमा उल्लेख छ । समानुपातिकमा जम्मा १ सिट भएको राप्रपाले माओवादी केन्द्र नेतृत्वको सरकारलाई समर्थन गरेको थियो ।