२१ बैशाख २०८०, बिहीबार ००:५९ बुधवार साप्ताहिक, नयाँबानेश्वर, काठमाण्डौं

काठमाडौँमा चट्याङ लागेर एकजनाको मृत्यु

२१ वैशाख, काठमाडौँको मातातीर्थमा चट्याङ लागेर एकजनाको मृत्यु भएको छ । चन्द्रागिरि नगरपालिका–६ मातातीर्थमा बुधबार दिउँसो चट्याङ लागेर मकवापुर भीमफेदी घर भई काठमाडौँ बस्ने ३५ वर्षीय राजु तामाङको मृत्यु भएको हो।

मातातीर्थमा निर्माणाधीन घरमा काम गरिरहेका बेलामा कौसीमा चट्याङ लागेपछि गम्भीर घाइते हुनुभएका तामाङको उपचारका क्रममा वीर अस्पतालमा मृत्यु भएको जिल्ला प्रहरी परिसर काठमाडौँका प्रवक्ता, प्रहरी उपरीक्षक सीताराम रिजालले जानकारी दिए।

तामाङ मिस्त्री काम गर्थे। तामाङको शव परीक्षणका लागि त्रिभुवन शिक्षण अस्पताल महाराजगञ्ज लगिएको प्रवक्ता रिजालले बताए। रासस