८ फाल्गुन २०७५, बुधबार ०३:०२ बुधवार साप्ताहिक, नयाँबानेश्वर, काठमाण्डौं

नेकपाकोे टोली चीनतिर

काठमाडौं । चिनियाँ कम्युनिस्ट पार्टीको अन्तर्राष्टिय विभागको निमन्त्रणामा नेपाल कम्युनिस्ट पार्टीका स्थायी कमिटी सदस्य सुरेन्द्र पाण्डेको नेतृत्वमा १० जनाको टोली हिजो चीन प्रस्थान गरेको छ ।
टोलीमा नेकपाका केन्द्रीय कमिटीका नेताहरू हितबहादुर तामाङ, खगराज भट्ट, खेममान खड्का, एकबहादुर राना, सीता सुन्दास तथा प्रदेश तथा जिल्ला तहका नेताहरू उर्मिला थेवे, लीलादेवी ढुंगेल, पुष्करराज जोशी र सोचनप्रसाद यादव रहेका छन् ।
निमन्त्रणापत्रमा आदिवासी जनजातिका विषयमा आफ्ना अनुभव आदान प्रदान र दुई देशबीचको मैत्री सम्बन्धलाई अझ गाढा बनाउनलाई डाकिएको उल्लेख छ । निमन्त्रणापत्रमै स्थायी कमिटी सदस्यको नेतृत्वमा टोली पठाउन आग्रह गरिएको टोली संयोजक पाण्डेले बताए । टोली फागुन १६ गत्ते फर्कने कार्यक्रम छ ।