१९ फाल्गुन २०७७, बुधबार १३:०८ बुधवार साप्ताहिक, नयाँबानेश्वर, काठमाण्डौं

नेकपाले भोली फेरी बोलायो केन्द्रिय कमिटीको आपतकालिन बैठक

काठमाडौं । नेकपाको केन्द्रिय कमिटी बैठक भोली बिहिबार पुन बस्ने भएको छ । अध्यक्ष माधवकुमार नेपाल र पुष्पकमल दाहालले नेतृत्व गरेको सो पार्टीको केन्द्रिय कमिटी बैठक आज बुधबार पनि बसेको थियो । आजको बैठक सकेर केन्द्रिय सदस्यहरु हिडेको १ घण्टापछि सदस्यहरुलाई भोली पनि बैठक बस्ने भनेर खबर गरिएको थियो ।

आज बैठक सकेर निस्केपछि भोली फेरी जरुरी बैठक बस्नुपर्ने खबर आएको नेकपाका एक केन्द्रिय सदस्यले बताए । भोली दिउँसो १२ बजेका लागि बैठक डाकिएको छ ।

आजको बैठकले नेकपा संसदीय दलको नेताबाट केपी शर्मा ओली, उपनेताबाट सुवास नेम्वाङ, सचेतकबाट शान्ता चौधरी, ओलीले हालै नियुक्त गरेका प्रमुख सचेतक विशाल भट्टराई, केन्द्रिय सदस्यहरु कर्णबहादुर थापा, महेस बस्नेत, सूर्य थापा र प्रभू शाहलाई पार्टी गतिविधि विरोधी काम गरेको भन्दै कार्वाहीको निर्णय गरेको थियो ।