३१ भाद्र २०७८, बिहीबार ०३:४१ बुधवार साप्ताहिक, नयाँबानेश्वर, काठमाण्डौं

चीनमा बिहानै ठूलो भूकम्प

चीनमा आज (बिहीबार) बिहानै ठूलो भूकम्प गएको छ।

चिनियाँ समाचार समिति सिन्ह्वाका अनुसार स्थानीय समयानुसार बिहीबार बिहान ४:३३ बजे दक्षिण-पश्चिम चीनको सिचुआन प्रान्तको लुचौ नगरस्थित लुसिआन काउन्टीमा ६ रेक्टर स्केलको भूकम्प गएको हो। ​

भूकम्पमा हालसम्म दुई जनाको मृत्यु र तीन जना घाइते भएका छन्। क्षतिकाे विस्तृत विवरण आउन बाँकी रहेकाे चिनियाँ अधिकारीले बताएका छन्।

भूकम्प पृथ्वीको सतहबाट १० किलोमिटर गहिराइमा गएको बताइएको छ।
भूकम्पपछि उद्धार कार्य भइरहकाे चिनियाँ अधिकारीले जानकारी दिएका छन्।