१ माघ २०७९, आईतवार ०९:०३ बुधवार साप्ताहिक, नयाँबानेश्वर, काठमाण्डौं

यतिको विमान दुर्घटना : पत्रकार त्रिभुवन पौडेल पनि थिए सवार

१ माघ, काठमाडौं । पोखरामा आज (आइतबार) बिहान भएको विमान दुर्घटनामा एक जना पत्रकार समेत परेका छन् । दुर्घटनामा पर्नेमा पत्रकार त्रिभुवन पौडेल रहेका छन् । उनी माओवादी केन्द्र निकट पत्रकार संगठन प्रेस सेन्टरका नेता हुन् ।

दुई दशकदेखि पत्रकारितामा संलग्न पौडेल नेपाल पत्रकार महासंघका केन्द्रीय सदस्य समेत रहेका छन् भने पत्रकार महासंघ गण्डकी प्रदेशका पूर्व अध्यक्ष समेत हुन् । उनको फोन सम्पर्क हुन सकेको छैन । पोखराका पत्रकारहरुले उनको स्थिति पत्ता लगाउने प्रयास गरिरहेका छन् ।