१७ फाल्गुन २०७९, बुधबार ०३:२४ बुधवार साप्ताहिक, नयाँबानेश्वर, काठमाण्डौं

दुईटा रेल ठोक्किँदा ग्रिसमा १६ जनाको मृत्यु, दर्जनौं घाइते

१७ फागुन, काठमाडौं । ग्रिसको उत्तर क्षेत्रमा दुईटा रेल आपसमा ठोक्किँदा कम्तिमा १६ जनाको ज्यान गएको छ । दर्जनौं यात्रु घाइते भएका छन् ।

समाचार एजेन्सी एएफपीले अग्नि नियन्त्रको टोलीलाई उद्धृत गर्दै रेल दुर्घटनामा १६ जनाको मृत्यु भएको उल्लेख गरेको छ । मंगलबार बेलुका लारिसा सहर नजिकै यात्रु बाहक रेल र माल बाहक रेल ठोक्किएका थिए ।

रेल ठोक्किएपछि आगो लागेको थियो । आगो निभाउन १७ वटा दमकलसहित अग्नि नियन्त्रकहरुको टोली खटिएको थियो । रेल ठोक्किनुको कारण खुलेको छैन । दुर्घटनामा थप ६० जना घाइते भएका छन् । तीमध्ये २५ जना सख्त घाइते भएको समाचार संस्था एपीले जनाएको छ ।